AWTURI
MARTIN MICALLEF OFMCap għamel l-istudju tat-Teoloġija fil-Fakultà tat-Teoloġija, fl-Università ta’ Malta (SThB), u wara kompla l-istudji tiegħu fl-Università ta’ Oxford fejn speċjalizza fl-istudji Bibliċi (MSt Oxon). Lura Malta huwa beda jgħallem l-Iskrittura fil-Fakultà tat-Teoloġija, fl-Università ta’ Malta filwaqt li beda u temm l-istudji tad-Dottorat fl-istess Università (SThD Melit). Fl-2009 huwa ġie maħtur Kap tad-Dipartiment tal-Iskrittura, Lhudi u Grieg fil-Fakultà tat-Teoloġija fl-Università ta’ Malta, ħidma li dam fiha sal-2013 sakemm ġie magħżul Ministru Provinċjal tal-Kapuċċini Maltin (2014-2017). Huwa awtur ta’ numru ta’ pubblikazzjonijiet u l-editur tal-Melita Theologica maħruġa mill-Fakultà tat-Teloġija fl-Università ta’ Malta u tal-pubblikazzjoni biblika Kliem il-Ħajja, tal-Patrijiet Kapuċċini. Huwa membru akkademiku tal-Għaqda Biblika Maltija responsabbli għat-Traduzzjoni tal-Bibbja bil-Malti. Fr Micallef huwa nvolut ħafna fil-pastorali biblika fil-gżejjer Maltin, speċjalment permezz ta’ konferenzi, irtiri u programmi fuq il-mezzi tax-xandir.
Pubblikazzjonijiet:
