FRANĠISKU

FRANĠISKU - RuĦ - Reliġjon u Ħajja

AWTURI

PAPA FRANĠISKU mwieled bħala Jorge Mario Bergoglio (bil-Latin: Franciscus; Buenos Aires, 17 ta' Diċembru 1936) huwa l-266 isqof ta' Ruma u l-papa attwali tal-Knisja Kattolika, elett nhar it-13 ta' Marzu 2013. Franġisku huwa l-ewwel Papa Ġiżwita, l-ewwel wieħed mhux mill-Ewropa wara iktar minn millennju, u l-ewwel wieħed mill-kontinent Amerikan. Mill-1998 sal-elezzjoni tiegħu bħala Papa, huwa kien Arċisqof ta' Buenos Aires, fl-Arġentina, u kien inħatar kardinal fl-2001.

Jorge Mario Bergoglio twieled fi Buenos Aires fl-1936, minn ġenituri Taljani. Issieħeb fis-Soċjetà ta’ Ġesù fl-età ta’ 21 sena. Minħabba l-vokazzjoni ħalla l-istudji tiegħu ta’ tekniku fil-kimika; għallem il-letteratura u l-psikoloġija, u wara attività sħiħa bħala saċerdot u professur tat-teoloġija kien ikkonsagrat isqof mill-Papa Ġwanni Pawlu II, u mbagħad sar wieħed mill-erba’ isqfijiet awżiljarji ta’ Buenos Aires. Fi ftit snin, minn direttur spiritwali u konfessur fi ħdan is-Soċjetà ta’ Ġesù f’Córdoba, huwa sar Arċisqof ta’ Buenos Aires, Primat tal-Arġentina u President tal-Konferenza Episkopali.